Cakap Pasal Bunian Ni.. Part 2

Salam

Ok kito sambung balik...

Ni beberapo kes den yg melibatkan bunian…

Pertamo kali tu.. Maso den menyewo kek rumah lamo, ado nenek duk 1 bangunan samo den mintak tulun, den pun tulun la… Tp maso tu den x tgk apo2.. Main rodah jo… Den dtg umah dio.. Kali pertamo den dtg.. Dio cito la yg dio kono da agak lamo.. Da poie 3 4 bomoh… Nenek tuo ni kato sumo bomoh tu kato bunian empunya angkaro. Den ok jo la… Nek ni kato bomoh2 yg dio jumpo cito nek ni kono maso dio buang tongah buang sampah.. Orang tongah buang sampah.. Camno agak2 ek? Main lempar jo la.. Ontah camno nek lempar kono kek bini bunian ni.. Bunian jd marah.. Buek nenek ni sakit..

Nenek tu tambah laie… Bomoh yg terakhir yg nenek ni jumpo tu bgtau jgn dtg laie jumpo dio.. Dio xmo terimo kes nenek ni. Sbb munian ni suda sound samo ini bomoh. Maso tu den da gabra gilos daa.. Tambahan laie bilo nenek tu kato, nasik baik kono mini munian tu, kalu kono kek munian tu.. Laki la.. ontah la.. Yo la ni kali pertamo dpt kes yg libatkan bunian.. lopeh mandikan nenek ni.. Kami burak2 la sokojap. Maso burak2 tu den perasan ado munian tu kek luar rumah nenek nih. Da camtu den cakap kuek2 lebeh kurang camni..

“Bodoh! Bangang! Tolol! Tak de otak punya bunian! Kata ada akal! Ini orang tua pun nak berkira ke? Bangang!!” Ckp2 pn ati berdobar2 gak tu…

Malam tu den tido… Den ada perasan la kek luar ado tetamu yg x di undang. Maso tu den cumo pk… Baik lu datang, baik wa sambut.. Buruk lu datang, buruk wa sambut!

Den sambung tido…

Alhamdullilah ok.. 2 minggu kendian… nek tu panggil laie.. Den pun datang… Bilo den dtg.. Nenek tu tanyo den

“Encik xkena kacau ke?”

“Tak de” . Jwp den

“Takde?!!”.. Nenek tanya cam terkojut jo…..

“ha..Tak de..”.. Jwp aku lg.. Dlm hati maso tu kato ‘Aiseh nenek ni.. Psyco den jo..’.. berdobar2.. kuek jugo la.. Tp den buek macho jo…

Lopeh tu den x terimo berito laie dr nenek ni.. Den raso ok la kuts. Kalu ado mslh biasonyo pasien kasi panggil laie.

Rupo2 ae maki pd makhluk yg wat onar ni ok gax.

Kes ke 2..

Rumah kwn den slalu dongar bunyi memacam2.. Mini dio slalu dongar. Bunyi tu bertambah2 sampai dio sendiri skali dongar. Den poie la tulun… 2 kali den poie.. Misi den fail.. Sampai kwn den pindah rumah lain.

Kes ni den pun xtau, mano silap den sampe x berjayo.. Mungkin x sedio kuts. Mungkin over confident kuts.. X po la… Jd pengajaran wat den.

Lg pn biaso la.. Dr 10 perkaro yg kito usaho.. 2 3 kali fail.. Adat la.. Dokto pakar pn ado fail gak.. Siap mati pasien dio. Ni laie amatur cam den ni ha… Biaso la tuh…

Kes ke3

Den dongar dr “sedaro” tuo den… . Bolah mano.. den xyah ckp la yor?… Den cito jo.... Ontah botou ko tidak den pn x tau la.. Cumo den raso botou la sbb jalan cito dio hampir samo dgn cito2 yg melibatkan munian yg lain. Cito dio camni haa….

Satu maso dulu, dlm beberapo puluh tahun lopeh. Tahun den tak tau la bilo. Sbb x tanyo pn.. hehehehe. Ni cito mulut ko mulut jo yor? … Maso tu ado la sedaro pompan ni di minati oleh munian ni.. So apo terjadi.

1. Slalu dongar org golak ketawo dlm bilik minah ni.. Yo la wat lawak la tu..
2. Kalu adik beradik niat nk makan ubi ko, ikan gulai ko, atau apo mknn. Kojap jo sampe. Walaupn cumo niat dlm ati atau ckp bebisik jo.. Mmm Pemurah jg munian ni.. hehehehe Pemurah ado makno tuhhhh..
3. Slalu jumpo capal or selipar yg xtahu sapo punyo.. Munian punyo la tuh.. Masuk bilik jumpo kwn ni sembang…Dey… Masuk rumah bg salam da…
4. Kdg minah ni hilang tanpo disodari. Masuk alam dio la tu..

Cumo perhubungan kwn ni putus sbb mak yah ni dpt akar kayu utk ubat2an dr munian ni, langsung di jual ae. Hehehehe. Ikut janji jgn dijual akar kayu tu. Apo nak buek, keluargo sosak sgt. Kasi jual la itu akar kayu. Itu pun merajuk ka?… ayoyo… Buruk ghupo org merajuk nih! Cumo ekau bygkan munian merajuk… lg buruk kuts?… Heheheheheh

Cumo minah ni x di’usik’lah. Maklum la wat kawan… Mmm Jenis munian baik ni. Hehehe. Cumo kuek merajuk jo. Sensitif tahap gilo. hehehe

Jd... Drp kes kek ateh ni apao yg muleh kito dpt?

1. Munian ni mmg x lari dr sifat jin ae.. Spt dendam kesumat yg amat sgt. Sikit punyo sengal.. Dgn manusio tuo pn berkiro. Hampeh!
2. Mmg kompom ado perasaan. Hehehe. Syg kek mini konon.. Lalu tompek org buang sampah buek apo?! Kn da kono baling dgn nenek tu. Padan muko! Ado mato muleh nampak nenek tuo tu ekau lalu jg. Padan muko! Lombab!!
3. IQ lomah yg amat sgt sampe nenek tuo ni baling pn x muleh elak. Korang muleh bygkan la camno nenek punyo tenago. Apo la sgt kuek nyo tenago nenek ni kalu main baling2. Den raso kalu kono mini munian ni kompom polahan. Tu pn nak marah? Mmg kompom IQ lombab gilo.
4. Otak jd mereng yg amat sgt sobab menyirap n berdondam dgn nenek ni. Kito kalu dgn org tuo pn muleh hormat n ado timbang raso. Ni kes munian xdo timbang raso. Kang den panggie Rajnikath kang… heheheheheh
5. Munian ni x pk perasaan org ln jg.. Kalu x kanapo dio muleh poie sound Bomoh yg ponah rawat nenek nih.
6. Dondam punyo pasal, c munian ni kojar kemano jo nenek tu poie, dgn kato lain “Cari sampai ke Lubang cacing.”
7. Peel sensitive tahap gilo.. ala la la bucuk… bucuk…. Hehehehehe
8. Ado yg baik…ado jahat peel ae. Ado yg macho.. ado yg hancur.. Standard la tu…

Haaa nak kato munian ni makhluk suci laie? Nak kato mulio? Kirim salam!!

Wallahualam…

To be continued….