Cakap Pasal Bunian Ni.. Part 1

Salam

Cakap pasal Bunian ni, den raso ramai kek luar sano pk bunia ni makhluk yg bagus, Baik budi, pompunan ne sopan santun, banyak yang cantik2. perkampungan dio perkampungan Islam, makhluk yg hebat. Semuo amal agamo. Apa tah laie di gambarkan dlm cito “Sumpah Bunian”. Ditambah dgn kesedapan cito orang yg kononnya didampingi oleh bunian ni. Muleh ngubat la, muleh masuk alam dio la, muleh tu la, muleh ni la... Mmg muleh.. Siap ada mini kek alam dio. Dpt memacam dr munian nih.. Akar kayu la, cenuai la, sejadah la… Alaa.. Sejadah muleh boli la.. manyak mula…

Pado sapo yg ada pikiran camtu.. elok hontikan la.. Den ada sobab kato cam tu.. Apo pasal den kato cam tu? Sobab ae adolah... 1, 2 , 3 goooo

1. Jin/Bunian ni makhluk. Kalau da namo pun makhluk. Korang tau kan apo tu makhluk? Makhluk ni adalah ciptaan Allah. Manuasia makhluk, jin makhluk, udara makhluk, batu, kayu, haiwan, mentari, bintang dll semuo makluk. Da namo pun makhluk.. Ada mulo ado akhir ae. Ado idup ado mati ae, ado positif ado negatif. Sifat dio sementaro jo. Keupayaannya terbatas, byk kelomahan ne.

2. Kito ni manusio. Walaupun byk kelemahan… Allah iktiraf kito mahkluk yang terbaik. Jauh mengatasi mano2 makhluk Allah di muko bumi ni. Nabi2 yg didatangkan pn dr kalangan Manusio bukan bunian ataupun jin. Walaupn den ado baco 1 buku yg cerito ado 1 jin dilantik jd nabi tp itu hanya utk dikalangan jin jo.. Masa lantikan tu sebelum Adam n Hawa turun ke dunio ni. Tp den x tau cito ni dr mano sumber asalnyo samado israiliat atau ilham turun dari langit… Nak tau cito ni muleh la baco buku tu “Hakikat kejadian Jin”. Kulit tobal warni biru golap.

3. Nabi Sulaiman AS, Saidina Umar RA n Nabi Muhammad SAW sendiri ponah dgn lain perkataan ‘memperkudo’ makhluk jin ni. Maksud dio… dgn kekuatan n kuaso Allah SWT bg pd 2 insan yg mulio ni. Dengan sonang jo muleh perintah, ikat pada tiang n kalahkan derang ni.

4. Kalu tgk agamo2 jin… Ado yg Islam, indu, budha, kristian dll. Makno kato jin n bunian ni ikut apa ajaran yg Allah turunkan pado para Nabi dikalangan manusio. Bukan nabi dikalangan jin. Munian n jin ni pn sosek cam manusio. X cayo tuhan pn ado.. Apo kepercayaan manusio muleh didapati di kalangan munian n jin nih.

5. Sobab manusio ni makhluk yang terbaik, sudah tentu Allah akan bg segalo yang terbaik pada manusio, Tempat yg baik, makanan yang baik, suasana yang baik dll. Kalu da jin makan tulang siso manusio apo barang kito nak ikut sama dio.6. Kito ni makhluk ciptaan Allah yg paling baik… Mako mmg ramai/byk para jin n bunian nk berdamping dgn manusio. Sobab ae.. sbg makhluk 2^nd Klass, mereka ni ni berdampingan dgn manusia dgn harapan utk dpt tempias la dr kemuliaan manusio ni. Sbg cth.. kita muleh tgk ramai org duk himpit org VIP agar dikenali, di kurniokan RM, projek melimpah ruah, ampu sana wa ampu sini sampai abih terlingkup kawan tu, Si pengampu tu mmg banggo gilo bilo berdamping dgn org2 ateh ni…… Samo la dgn jin/bunian ni… impit punya impit, manusio yg kononnyo jd penguaso/dampingan jin/bunian raso handal n rasa mulio.. Walhal hampas kelapas!! Kito telingkup dio ketawo kek kito… Dio poie cari mangso lain.. Hi hi, bye bye la jwpnyo..

7. Lg2 kalau manusio minta perlindungan dr dio.. Dio punyo banggo u mangaiii .. Maklum la makhluk yg terbaik minta tulung dr 2^nd class. Mmg riak gilo, banggo gilo dll

8. Ni 1 laie ni… Slalu wat janji dgn makhluk ni.. 1 lg cari penyakit, barang di ingat makhlik ni jenis kalu wat janji sumo nak menang ke puak dio jo.. Hampeh!! Sbg cth.. ala dlm Sumpah bunian pn ado. Ado 1 cito pasal 1 kawan ni ha.. kawin samo pompan bunian.. Syarat kawin 1 jo.. x muleh bohong samo dio.. Ontah camno kantoi bohong.. Dan2 tu gak isteri ae balik tinggal samo keluargo dio. X balik lg samo suami dio. Hampeh!! Sikit punya tipu x muleh setel sendiri ka?.. Yg c kwn ni pn 1 hal.. Main angguk jo… da angguk2.. pah tu geleng2 la…

9. Nabi Bosar Muhammad SAW, penghulu segala Nabi, Manusio paling mulio. Kekasih Allah. Nabi Muhammad manusio tu. Bukan ne munian!

10. Dll lg. Geeee

Makno kato xyah la kito agung2kan kehebatan sang bunian ni. Buang la jauh2 dr akal pikiran kito yg bunian ni bangso yg mulio. Allah cipto kito manusio sebaik2 kejadian.. Allah cipto kito sbg khalifah di muko bumi nih. Bukan munian n jin do.. Yang Hebat Hanya Allah. Yang Berkuaso hanya Allah! Bukan Bunian! Bukan Jin!

Walaupun munian n jin ni 2^nd or 3^rd class nyo warga. Tidak semestinyo kito menzalimi derang ni. Asal muleh zass.. kito zass.. x muleh la cam tu. Sebaik2nyo ikut Sunnah dlm menangani munian n jin ni.

Wallahualam

To be Continued...