Cakap Pasal Bunian Ni.. Part 3

Kes Ke 4

Baru2 ni den poie kenduri sedaro den. Sobelun tu den singgah Shah Alam jumpo adik den. Biaso la posan memosan ni ha…

Lopeh minum2 den pn meneruskan perjalanan. Den mandu cam biaso jo.. Maklum la “bujang”. Hikhikhik. Mini n anak2 den x ikut. Ado hal la tu sobab tu la x ikut. Den da jd bujang ni.. Apo laie?… Kita enjoyyyy… hehehehe

Sampai tompek kenduri tu tu den jumpo omak, pak, adik n sedaro den. Burak2 la skit. Tetibo mak den bgtau ado mak sedaro nk jumpo.. Den kato la mak cik A la yor?.. Ontah camno mulut den terkeluar “Ni kes rumah rumah berhantu la ni.” Hushhhh cabul betul mulut den ni. Den bukan la nk cakap bondo2 cam ni.. Tp ontah camno dio kluar la pulak.

Lopeh tu den burak la samo sepupu sepapat den, da berapo lamo burak, diorang tanyo da makan ko bolum… Den kato nanti la… Porut konyang, makan maso jumpo adik den kek Shah Alam td. Bior la porut lapa baru makan. Den bukan apo.. Makan awal2 kang, mato nk tido… adoyaiii.. Tersengguk2 ateh kursi.. Kang pengantin dtg den membuto… buek malu kaum jo.. Tp den kaber la kato den mkn lewat skit.. hehehehe

Tibo2 pulak perut den lapa…

Apo laie.. sesi mengisi porut la… Maso beratur tu den terjumpo mak sedaro den bolah mak den.. Apo laie makan 1 mejo la… Tongah2 sodap makan, Makcik A den dtg melintas, den pn togur la… Dio pandang den cakap nak jumpo lopeh ni.. Kiro petang2 la... Den ckp laie.. “Rumah berhantu”.. Apo la punyo mulut xdo insuren. Buek seriau kek kawan tu jo...

Lopeh tghari tu den jumpo mak sedaro den tu… Dio cerito la balik apo yg terjadi kek umah dio tu n jd kek keluargo dio. Skit punya nayo, buek den menyirap jo…. Den nampak lembago dlm umah dio. Dio kato bunian… Den memulo raso jin… Bilo den perati an balik… eh munian ni..

Mak CikA teruskan cito sambil tu den terupong rumah makcik A n rumah makcik sorang laie. Den kato makcik B la yo… Teropong munye teropong… Laaa.. Dlm umah tu pompreng ghupo ae.. Den pn wat cleansing n pemagaran jd jauh. Kiro main remote la.. Nasib baik la jumpo remote control tu.. hehe. Den sms kek sifu den, Nek Moh n sorang kwn den utk bekap blkg dr jauh. Yo la den pn penakut gak. Kihkihkih …

Alhamdullilah bagus sgt Sifu n kwn2 den nih.. Tlg den. Cumo maso tu Nek Moh kek Jando Baik. Sompek la den usik dio.. kalu ado jando yg baik tu.. tulun kenen kek den la… heheheheheh

Den wat pemagaran botou2 kaw sempadan rumah makcik A n B ni. Tak lebih x kureng. Yo la xkan nk lbh2 pulak.. Amik hak org tu.

Den wat tembok… Lopeh tu den tulih “INI KAWASAN MANUSIA. DI LARANG MASUK!!”

Sifu den bls supayo den buek 1 kali lg, n dio bekap dr blkg. Den pn buek la spt yg di cadangkan. Selang x berapo lamo kendian. Kwn den tipun kato dio ado yg pindahkan ke Planet Pluto n Mars. Mangaiii.. Adeban botou kwn den. Dio kasi pagar lg. Bgtau munian2 ni supayo jg kacau kaw ni.

Xtau la den kuek mano tembok yg di dirikan tu. Den da buek cleansing n pagar 2 kali. Kwn den tambah laie. Sifu den pulak bekap dr blkg, xtau camno kegabanan ne.. Hantam je la labuuuuu…

Den sambung burak samo sepupu sepapat n sedaro den yg lain.

Dlm pkl 6pm den pn gorak umah Makcik A ni. Dio bawak den ke blkg umah sampai blk umah. Den ckp “Ini Tanah Cucu Adam”. Den ckp la 2 3 kali. Den bg amaran kek munian ni.. skali lg kacau kalu… 1 kg den bakar.. Den ulang 4 kali. Ikut sunnah bg amaran 3 kali. Tp den tambah 1 kali laie.. Bg clear.. Yo la.. Munian ni bukan sumo dongar.. Ramai yg pokak badak… badak pn x pokak cam derang ni.

Makcik A bw den ko umah sobolah, Makcik B plak.. Samo gak… Den sound n bg amaran yg samo.. Ulang laie la.. Walaupun kg munian ni kek kaw samo… den ulang laie. bg clear…

Den burak la kojap samo makcik A n B laki mini ni… Den bgtau dio.. ado mslh kasi sms jo la… Hari pn dokek magrib.. Den poie Surau.. Lopeh tu den cabut poie umah makcik belah mak den.. lepak2 sambil tgk2 rumah makcik2 den ni…

Mlm tu sms nek moh masuk tanyo den da pagar ko bolum. Den bls da n nk tambah, tmbah la… Xtau la kuek mano pgr tu. Maso nk tido tu, ado la segerombolan munian dtg tunggu kek umah makcik den yg den sodang lepak ni. Kenapo diorang dtg?.. Ontah la den pn x tau… Rupo2nyo… bising x hingat.. Den spt biaso.. dtg kuang ajo cam ni, den halau jo.. Dtg ckp bebaik, ok no hal. Nk wat kureng ajar, baik lu balik… Kang ado yg kono smackdown kang… Tp mmg den sombur la derang ni.

Pg tu den poie kojo n mlm selaso tu cam ramai plak dtg n buek bising. Den ignore jo la.. Den sblm tido terpakso wat “cleansing”.

Mlm luso, den poie umah nek moh burak la skit2 n cito pasal bondo2 nih. Nek Moh ni punyo baik ati dio panggie munian kek kg tu. Nek Moh mmg baik ati, dio pandai burak samo munian n jin ni,, Den... Ontah la.. Kdg2 golap jo.. hehehehe. Nek Moh kobarkan ni jenis munian kg punyo ni. Jenis x sekolah. Padan pn IQ lombab!

Korang tahu apo munian ni gebang samo nek moh?

Munian tu bgtau samo nek moh… Yg den ni main pagar jo. Abih la ternakan cam ayam, itik, lombu derang x muleh amik. Tanaman laie termasuk la tanah dio. Yg kononnyo bertindih dgn tanah Makcik A n B ni. Munian ni kato derang da lamo duk situ sblm mak sedaro den. Munian ni marah la kunun ae. Dtg rame2 cam merusuh n tak puah hati.

Mmg mangkuk 88 tingkat botou. Jenis makhluk pk pasal diri sendiri. Makcik n pakcik den sampe sakit masuk spital munian ni buek, munian ni x plak bising! Doktor pn ckp x sakit apo2. Makcik2 den sakit muleh dio pk n marah kek den pasai ternakan n tanaman2 dio?... Mmg nk kono bakar 1 kg ni!! Makhluk jenis x blh bg muko. Dtg x mintak maaf pn. Hampeh!! Pasal terusik jln, tobang pokok buluh n pokok pisang munian ni pun siap bg makcik n pakcik sakit? Apo punyo sengal?!! Ni nk kato munian mulio? Hontikan la… X usah la..… Jenis makhluk IQ singkat!!

Den x kisah munian nk duduk kek tanah tu. Bumi ni milik Allah SWT. Luas n blh kongsi2. Kalu munian nibuek apo2 buek la.. Dio nk bergayut ateh pokok siang, mlm, pg, petang ko, rempit keliling umah berapo juta kali ko, wat rumah ateh pokok.. lantak la… Apo den peduli.. Itu dio punyo hal la. Ekau punyo idup, ekau nk telingkup ko, ekau nk kurus ko, nk gomok ko, ekau nk buh tepung gomak kek muko tobal 1 kaki ko, ekau nk rusakkan bdn ko.. ekau punyo hal la. Ekau munian, mano ado kono mengono dgn den. Kalu da usik sedaro2 den apo hal?..Apo cito?.. Dio pk dio jo ado perasaan. Mmg nk kono bkr 1 kg nih….

Lps tu den balik n singgah tmpt MrN utk training TKD. Tetibo den terpk.. Ting!! Ok… Den sms ke Nek Moh, minto jaso baik Nek Moh posan kek munian2 ni, derang muleh amik ternakkan dio wat kali ni jo. Esok den pgr abis. Pgr secaro pakso la. Amik tanah dio.. Sbg galang ganti ae, den ganti an dgn beberapo ekor ayam, lombu, kambing, kudo n masjid. Lopeh ni DILARANG MASUK SAMA SEKALI!! Muktamad! Full Stop!! Titik!!

Masuk laie… Bak kato Nabil… Lu pk la sendiri…

Ha… camno Para Penuntun sekelian… Masih lg nk raso n pk munian makhluk lindungan Kaabah? Makhluk mulio? Makhluk suci?… Bg den cumo 2^nd or 3^rd class jo…Buruk mano pn manusio tu lg masih laie makhluk yg paling baik. Jauh lbh baik dr munian ni…

Timo kacih pd Cfu den, Nek Moh n kwn den yg bekap den dr blkg. Timo kacih..

Sekian sahaja Siaran Tertunda dari Rancangan Jin Wrestling Entertainment (JWE). hehehehe