Al Kisah 3 4 Hari Sblm Raya

Salam

Ari rabu sblm rayo, adola minah ni tipun den.. Minah ni dr Perak.. Berburak la dgn dio skit. Den ni kan part time "Tok Moh" yg separa pencen... heheheh. Next day, kamih tu maso den kek opis tetibo den perasan kelibat lembago itam blkg den. Den khobar kek lembago tu, suh dio blah, xblah den zass samo dio. Da 3 4 kali den bgtau suh blah, dio xblah jg, den pun zass jo. Nasib ekau lah, sapo suh duk blkg den. Lopeh tu den termenung kojap mikir an, sapo la anto nih. Cumo den lupo lak nak main teropong ajaip den. Ontah mano ilang nge teropong ajaib den.. Sapo la kobeh ni?.. Aisyehhhh...

Lopeh tu den berbalas sms dgn kwn den, kdg den golarkan dio Nek Moh...sowie Nek Moh. Jgn ekau fire samo den lak yo?... hehehehehe. Tghari tu den dtg umah Nek Moh ni amik kuih yg dio mmg sediokan utk mini den. Mmg pemurah Nek Moh ni, slalu bg den memacam, cumo den yo x sompek bg dio memacam sbg balasan. Xpo nnt, den kayo, den blanjo la kau yorr?... Den burak samo Nek Moh n tanyo pasal kelibat yg kacau den kek opis td. Dio kobarkan dr Perak. Den pn terpikir, mano pulak yg anto dr Perak ni?.. Ontah camno den x teringat plak pasal minah yg tipun den yg dr Perak tu. Den agak2 mungkin kes lamo ni, hantar utk tgk2 ni. Nek Moh pun kato camtu.. Den pk ok jo sbb da di zass pun. Apo ado hal...

Dlm pado tu den ado bukak 1 blog kwn ni, den x ponah jumpo dio, cumo jumpo di alam siber jo.. Mmg dio ni handal la. Den ni sempoi jo.. Ontah camno den blh jumpo blog dio n baco blog dio sblm rayo.. Den baco cito dlm blog dio. Mmg terer beb..

Jumaat mlm sabtu maso den nak balik umah, tetibo den dongar 1 suaro. Suaro tu kato dio sajo2 nk nyakat den. Yo la, kwn2 nk gurau2, apo salah eh?.. Den kato xyah la, den x terer. Burak camni kiro cam komunikasi jarak jauh lah ni.. Omputih kato telepati yo?.. Yo la tu telepati.. heheheh. Den pn x tau berkomunikasi jarak jauh nih. Maksud den, nk mulokan talian jarak jauh ni. Apo nombo kono dail. Den mmg xtau. Tp mmg den ado burak samo 3 4 org caro camni (Nnt entry ln den cito yo?..). Da diorng yg dail samo den, den angkek n jwp jo... hehehe .Tp bukan la den yg mulakan dulu. Diorang yg mulakan. Mmg terer derang ni. Den ngaku den xdo ilmu telepati ni...

Sambung balik cito...

Lopeh maghrib tu, nah... amik kau, Maaaa ngaii!!..... Banyaknyo dio antar kek den. Memacam rupo ado. Muka lembu ado, beruang ado, rimau ado dll. Den buang jo la... Dio anta laie... James Bond betul! Antar skali borong. Banyaknyo koleksi dio...

On de way balik umah tu den SOS ke Nek Moh n kwn den kek Alor Staq, tlg double cek kut2 ado laie x kek den. Kwn den kek Alor Staq kobar kek lutut kiri den ado. Amboi... anto dr bosa sampe yg kecik jg. Pandai tu... dlm pado dio acah2 n anto yg bosa2, dio solit n antar yg kocik2. Terer.. Tumb Up!! Xpo nnt den copycat skill tu... hehehehehehe. Terpakso la den buang jg wlaupn tongah drive.

Sampe umah, spt biaso den minto mini den sediokan mkn utk den. Tongah sodap ngunyah tu, suaro tu bgtau dio anta 3 laie. Terbantut kojap aktiviti makan mlm den. Den tgk ado 2 dpn umah? Den tanyo... Aik pehal ada 2 jo? Mana 1 laie?.. Suaro tu bg tau. Ado 1 laie kek blkg umah. Yg bagus nyo siap main tambat laie tu. 2 tambat kek dopan. Tiang batu kek dopan umah tu, 1 laie dio ikek kek pagar blkg umah. Terpakso la den yg tongah makan ni meng'clear'kan... Tapi alhamdullilah, den masih selero utk makan. hehehehe

Maso mkn tu sms masuk dr Nek Moh n kwn den dr Alor Staq. Nek Moh tanyo ado laie ko?.. Den kato bereh. Kwn den dr Alor Staq kobarkan td ado kek tengkuk n lutut. Aik?... Td msg kobar kek lutut jo... Yo la dio nk den berdikari.. hehehe

Timo kasih la pado Nek Moh n Kwn den dr Alor Staq pasai tlg den. Timo kasih jg pado yg nyakat den kerano bg peluang pado den gerakkan tulang 4 kerat den. Da lamo xdo exersice cam ni. Timo kacih.

Sekian la cerita Mengarut versi Jula Juli Bintang 88. hehehe