Monday, February 15, 2010

Bunian Lagi

Salam

Den teringat beberapo bulan lopeh dimano ada 1 keluargo jumpo den kek umah Nek Moh. Jumpo den n nek moh sobab terkono la nih. Biaso la orang meniago. Lg2 orang Melayu meniago. Baru bukak 2 3 hari, esok luso da ado kemiyan bosar lutut kek kodai. kadang2 tu ada dobu2 itam, tanah itam, bau busuk dll lg.

Banyak bonar halangan ae bilo org Melayu meniago. Banyak bonar khianat ae. Bukan kaum Cino or India yang buh bebukan pun, Orang Melayu jugak. Camno la Orang Melayu nak maju? Camno orang Malayu nak bersatu? Sodangkan kawan yg nak meniago ni pun bukan bosar sangat kodainyo. Org kato cukup la dapat belajar berdikari n dapat hidup seleso dari kerjo dgn orang. Kadang2 yg duk tikam belakang ni pun pekerja dio jugo, orang Melayu jugo.

Yg dongki kianat tu poie la jumpo dukun atau bomoh utk jalankan rancangan jahat dio. Dukun n Bomoh tu pun org melayu jugo. Ayo, ayoooo.. Biaso jumpo dukun n bomoh ni kalu dah nak buek jahat ni kompom la pakai jin. Tak kisah la ekau pakai Ayat Quran ko, pakai salawat ko, pakai doa orang alim ko, dah niat n kelakuan tak botou, kalu niat n kelakuan da tak botou, mano ado ikhlas? Da takdo ikhlas, camno nak sampe pada Allah? Allah hanya terimo amalan yang ikhlas jo. Haaaa... Yang dukun n bomoh duk mandrem atau baco tu sampe mano?... Sampe ke syaitan la jwpnyo... Kalu dah sampe ko syaitan, apo laie pertolongan syaitan la dio dapek.

Begitupun ikut level dukun n bomoh la, kalu setakat level cikai tu, para jin la yg tolong dukun n bomoh nih. Cumo selalu ae dukun n bomoh ni perasan konon ae rijalul gaib yg dtg tulun, wali sekian dtg tulung. Adehhhh.... Orang jerman kato, Ukur baju badan sendiri la bro. Peel cam hampeh, ingat yg suci may dtg ko? Peel penuh kekarutan, ingat yg bagus mau dtg ko? Ayoooh... Kalu da peel cam sampah, sampah la dtg. Kalu da namo sampah, lalat la dtg kasi harung. Mano ado sampah, manusio harung? Manusio harung sampah tu samo ado gilo atau mmg kijo dio kutip sampah.

Minyak samo air mano boleh campur?

Den minta maaf la yo kalu ado dukun n Tok Moh kt luar tu yg baco kenyataan den ni. Ekau terguris hati ko, marah kek den ko, menyirap ko, muka cam cuko ko, marah sampe jadi makhluk ijau ko, jadi Incredible Hulk ko atau apo ko... Den kato secara umum jo yor?... Jgn la ekau antar bebukan samo den, den ni tak terer. hehehehe

Si mangso khianat pulak jumpo la perawat2 utk membersihkan apo yg tertimpo pd dirinyo. Ado yg jumpo perawat botou, ado yg tidak. Nak buek camno?... Nak salahkan diorang pn tak muleh jugo sbb kdg2 dio tak tau status si perawat tu. Yo la org ln tulun rekemenkan nak buek camno? Si Mangso da sakit n sosak ni. Ikut jo la. Skali jumpo mak ai... Haaa tang Mak Ai tu yg tak elok la. Yg ok.. Bagus2 saja pak.

Keluargo yg jumpo samo den n nek moh tu cito la sblm ni dio poie utk rawatan. Ado la 2 3 kali dio poie. Ontah camno kek 1 tompek tu perawatnyo cito samo dio yg dio ado dampingan. Munian kato ae. Keluargo tu kato bahawo penyediaan barang agak susah skit. Susah? Camno tuh?! Sbg contoh keluarga ni di suruh sediakan beberapo biji kelapo yg mano kelapo ni tak muleh jatuh atas tanah n di petik pd sekian2 waktu. Langkah lg la tak muleh. Ambil bungo teratai di tongah tasik pd tongah malam. Haaaa Amik ko.... Ambil air masjid di masjid lamo. Kek masjid tu amik la air perigi, air kolam wuduk dll lg yg dipikirkan patut. Perghhh skit punya susah..

Kalu Perawat Minto Barang Yg Bukan2 tu Hati2 la.

No comments:

Post a Comment