Monday, May 17, 2010

Saka Yang Brutal

Salam

Sebut saka ni ramai yg terbayang 1 entiti asing yg tak kelihatan yg mendampingi seseorang bg tujuan tertentu. Saka selalu di sebut sbg warisan turun menurun. Cam pusaka la konon2nya. Kalu saka ni blh bg RM juta2 takpe la jugak... blh la den ngecek skit.

Org dulu ni selalu merantau. Pi mana2 mmg nak ada 'isi dalam'. Senang kata utk jaga diri lah. Sampai satu tempat ada buka tanah, ladang, kampung atau penempatan. Kt penempatan baru tu ntah apa jenis jin toncet yg ada pun kita tak tau. Dekat penempatan baru mungkin ada penempatan yg lain, yg peel orang2nya tak di ketahui camne peelnya... huhu. Dgn binatang buas lagi, org buas lagi... Ha cam no tuh?...

Kategori saka?.. Ontahlah.. den pn tak penah interview geng jin yg jd saka nih. Tp pado pendapat den, samo jo peel dgn jin2 nih. Ado yg garang, brutal, angin 1 macam, lomah lombut, kaki kencing dll

Biasonyo sako ni cari pewaris yg agak sesuai dgn dio. Ado yg by hook or by crook, sako ni damping dgn pewarisnya. Ada dlm diam dio impit pewaris tanpa tuan sebolum nyo bg info.

Yo la kalu tuk, nek kato.. "Ehhhh Mat ekau amik sako den yor?".. sapo nak amik.. Dongar jo sako sumo pakat takut ehhhh.. Tak mo amik tanggungjawap mewarisi entiti gaib ni.. Dgn ini sako khobarkan.. "Mano muleh.. den da bermanjo2 dgn keturunan ekau, ekau sonag2 nk buang den... Byk cantik?!!...."

Mmg Muko Den Cantik lg Hensem! hiahahahahaha

Camno dio kona pewaris2 keturunan ni? Sbg contoh.... Kalu kito dgn anak kito... kito mmg blh kona sbb ado pertalian darah, muko anak kito pn ado mirip2 cam muko kito.. Kalu tak sumo, ado la kek idung ae, mato ea, bibir ae dll

Camtu gak kalu anak kudo bolang atau anak rimau kona dgn mama ae, kona lalu bolang ae. Mak kudo bolang n mak rimau pun kona anak2 ae lalu bolang atau tanda lahir.. Makno kato ado tando pado si waris yg menyobabkan sako tu kona akan si waris ni. Ado gak sako ni dio damping pewaris setolah berlalu beberapo generasi.. Cth.. Sako ni tak suko dgn generasi pertamo n ke2 tapi bilo lahir generasi berikutnya.. Mulo la terhegeh2 minat n himpit waris ni tadi.

Sbbnya.. Ontah... Tak serasi kuts?... Atau generasi 1 n ke2 tak hencem sgt.. Ceh nk pilih yg hencem je... Hampeh... Tp den yg encem ni jgn la ekau pilih.. Den tukang karut jo kek sini.. hehehehehehe

Uiks... Panjangnyo intro den... Ok.. den nk main short cut plak.. Masuk cito sobona ae.

Cito pasal sako brutal ni, ni ado sorang minah ni yg menjadi pasien den. Dio ni dr tahn lopeh ado sms n call den dtg nk rawatan. Den ok jo... Den terimo jo apo kes.. Maklum lah org encem. hehehehe. Sms n call2 tahun lopeh tu just sms n calls je.. Takdo apo tindakan lanjutan. Den pun tak pakso dio dtg pn. Ala... Memasing sibuk.. nak kato apo?...

Cumo dlm bln lopeh tu dio call n sms nk jumpo utk rawatan... Den kato ok... Bereh... Den suh la dio sediokan barang2 yg sepatutnya.... Masa dio kol tu, den kek kls TKD tgh ngajar member PPSPPA... Tgh ngajar ada org call, den angkat jo la... Lps burak lebih kureng... Tetibo den raso ado 1 tenago asing dtg cam niat jahat. Mmg niat jahat pun... Hampeh!!

Den cam tergamam jap... Terus dlm ati den maki bendo asing ni..... Agak lamo gak bendo asing ni kt pejabat tu.. Lps 5min lps tuh, kls pn rest la. Maso rehat den trus kato... Ekau kacau den lg den hompuk ekau... Den tak kiro ekau sapo... Apo hal nk kacau den yg hencem ni?... Baik ekau dtg, baik den layan. Buruk ekau dtg, buruk den baleh. Kendian tenago tu ilang... Tenago tu tak dtg2 lg sampe hari yg dijanjikan.

Pd hari yg dijanjikan tu kwn ni dtg la kek umah Nek Moh... Nek Moh lg... Den tunggu gak dgn berdobar2.. Maklum la tak terer mano den ni... Lamo tak amik kes entiti gaib nih. Bilo jumpo jo dgn minah ni, minah ni khobarkan bahawo mmg dio ado sako yg brutal. Yg kawal dio sangat. Sako yg cemburu yg amat sangat. Hampeh punyo sako, ekau jeles begai nak rak pun bukan ekau muleh kawin dgn minah ni pun. Minah ni da kawin pun sako ni muleh jeles dgn hasben minah ni... Kalu da akal singkat mmg akal singkat la... Namo jo umur panjang n memacam pengalaman sako ni ni lalui... Da bapo generasi da bersamo... Tapi tang ni... Jd dungu... Ekau nak jago, jago jo la.. Jago keselamatan dio, keselamatan anak dio, tanah ko, umah ko.. Ekau jeles buek po? Akal singkat tul!!

1 lg sako ni punyo songal, bilo minah ni nak poie mano2 perawat2, mlm sblm tu dio kasi warning itu perawat... Bahkan ado yg kono hompuk pun...Kalu ekau nak warning n hompuk perawat miang ko, gatal ko tu ok la... Ni den tongah ngajo TKD pn ekau nk warning ko?... Mamutarosan botou!!

Alhamdullilah maso minah ni dtg sako dio tak masuk dlm badan dio n hompuk den. Mano dio nak dtg?... Nek Moh yg Power Rangers ado... Sako tu dtg den lari la dulu.. Bio Nek Moh yg Power Rengers berdopan dgn dio.. Den bekap blkg jo... Sowie Nek Moh... hehehehehe...

Lopeh abis tu den sound la kek sako tu... Akai tu kasi up skit la... Ekau tu sapo, minah tu sapo... Takkan tak muleh bezo ekau n minah tu..

Setelah berapo lamo... Minah tu balik la...

Nasib Baik Tak Kesurupan. Cumo Den Lupo Nak Pakai Baju Gaban.. hehehehehe

No comments:

Post a Comment